Эрүүл мэндийн яам - Монгол улсын засгийн газар
ЭХ ОРОНДОО НҮДНИЙ ТОРЛОГ ШИЛЭНЦРИЙН МЭС ЗАСЛЫГ АМЖИЛТТАЙ ХИЙЖ БАЙНА.   ЭМЯ     “Ариутгалын төв тасаг, нян судлалын лабораторийг шинэчлэн засварлажээ     ЭМЯ     Төрийн дээд одон медалиар шагнагдлаа     ЭМЯ     Төрийн тусгай албан хаагчдын нэгдсэн эмнэлгийг Монгол улсын ерөнхийлөгчийн зарлигаар “Хөдөлмөрийн гавьяаны улаан тугийн одон”-гоор шагнагдлаа.     ЭМЯ    ХАЛДВАРТ СААГИЙН ЭСРЭГ ИДЭВХИГҮЙЖҮҮЛСЭН ВАКЦИНЫГ ДАРХЛААЖУУЛАЛТАД НЭВТРҮҮЛЭХ СУРГАЛТ ЭХЭЛЛЭЭ
Хүүхдийн эрчимт эмчилгээ, яаралтай тусламжийн эмч, сувилагчийг чадавхжуулж эхэллээ

Хүүхдийн эрчимт эмчилгээ, яаралтай тусламжийн эмч, сувилагчийг чадавхжуулж эхэллээ

Дэлхий даяар тархаж буй Сovid-19 хаалга тогшиж байгаа энэ үед хүүхдийн эрчимт эмчилгээний эмч, сувилагч нарт зориулсан “Амьсгалын цочмог хүнд халдваруудын эмнэлзүйн менежмент” сэдэвт сургалтыг эхлүүллээ. Энэ удаагийн сургалтыг ЭМЯ, ДЭМБ-ын дэмжлэгтэйгээр онол, дадлага хослуулсан байдлаар нэг сарын хугацаанд ЭХЭМҮТ-д зохион байгуулна. Сургалтад 200 эмч, сувилагч нарыг хамруулах бөгөөд нэг ээлж нь 40 хүний бүрэлдхүүнтэй байх юм. Эхний ээлжийн сургалтад аймгийн нэгдсэн эмнэлгүүд, БОЭТ-үүдийн эмч, сувилагч нар оролцож байна. Манай улс “Тогтвортой хөгжлийн хөтөлбөр-2030”-ын хүрээнд эх, хүүхдийн эрүүл мэндийн салбарт баримтлах бодлогыг хэрэгжүүлэхийн төлөө тууштай ажиллаж, энэ чиглэлд олон талт арга хэмжээг авч хэрэгжүүлсний үр дүнд эх, хүүхдийн эндэгдэл буурч байгаа билээ. Салбар яам болон холбогдох байгууллагаас нийслэл болон орон нутгийн эмнэлгүүдийг орчин үеийн тоног төхөөрөмжөөр хангаж, тэр хэрээр оношилгоо, эмчилгээний чадавх дээшилж байна. Ялангуяа аймгийн нэгдсэн эмнэлэг, БОЭТ, лавлагаа шатлалын эмнэлэг амь тэнссэн үеийн тусламж үйлчилгээг эх, хүүхдэд үзүүлэхэд нэн шаардлагатай амьсгал дэмжих, орлуулан удирдах, хүчилтөрөгч өгөх, соруулах, эрчимт эмчилгээ, сувилгаа хийх, найдвартай хянах зориулалт бүхий эм, эмнэлгийн хэрэгсэл, амьсгалын аппарат болон нэн шаардлагатай тоног төхөөрөмжөөр хангажээ. Иймд шинээр суурьлуулж буй тоног төхөөрөмжийг эмч, мэргэжилтнүүд бүрэн дүүрэн ашиглаж сурснаар хүүхэд амьсгалын дутагдлаар хүндэрсэн үед яаралтай тусламж үзүүлж, тэр хэрээр хүүхдийн эндэгдэл буурна. Сургалтад хамрагдаж буй хүүхдийн эрчимт эмчилгээ, яаралтай тусламж, мэдээгүйжүүлгийн эмч, сувилагч нар хүүхэд амьсгалын дутагдлаар хүндэрч, амьсгалахад бэрхшээлтэй болж, амь тэнссэн үед хүүхдэд хүчилтөрөгч өгөх, сэхээн амьдруулах, эрчимт эмчилгээ хийх, амьсгалыг нь аппаратаар тэтгэн дэмжихээс эхлээд бүрэн орлуулах хүртэлх эмчилгээ хийх, аппаратын амьсгалтай байгаа хүүхдийн асаргаа, сувилгаа, хяналт ажиглалт хийх мэдлэг, ур чадвараа дээшлүүлэх юм. ЭМЯ эмч, мэргэжилтний мэдлэг, ур чадварыг дээшлүүлэх, мэргэжлийн ур чадвартай, ёс зүйтэй хүний нөөцийг бэлтгэхэд анхаарч ажилладаг. Түүнчлэн улс орон СOVID-19 халдварын хүндэрсэн үед тусламж үзүүлэх хүний нөөц, эмнэлгийн бэлэн байдлыг ханган ажиллаж байгаагийн нэг жишээ нь энэхүү сургалт юм.
Зөөврийн амьсгалын 20 ширхэг аппаратыг нийлүүлнэ

Зөөврийн амьсгалын 20 ширхэг аппаратыг нийлүүлнэ

Эрүүл мэндийн яам Коронавируст халдвар (Ковид-19)-ын үед авах хариу арга хэмжээ, эрүүл мэндийн байгууллагын бэлэн байдлыг хангах талаар бодлого төлөвлөгөө гарган ажиллаж байгаа билээ. Ажлын явцын талаар өнөөдөр хэлэлцлээ. Тус яамны Эм, үйлдвэрлэл, технологийн газрын дарга Н.Гэрэлт-од 106 мянган PCR оношлуурын нөөц бүрдүүлж байгаа тухай мэдээлж 44 мянган оношлуур нэмж авах талаар ажиллаж байгаа талаар танилцууллаа. Синх: Эм, үйлдвэрлэл, технологийн газрын дарга Н.Гэрэлт-од Эрүүл мэндийн сайд Д.Сарангэрэл гадаад улсад суугаа элчин сайдын яам, дипломат төлөөлөгчийн газарт эрүүл мэндийн байгууллагын бэлэн байдлыг хангах чиглэлд хамтарч ажиллах хүсэлт илгээсэн мөрөөр хийгдэж байгаа ажлын талаар Гадаад хамтын ажиллагааны хэлстийн дарга Б.Янжмаа мэдээлэл хийж, ХБНГУ-д эх орноо төлөөлөн суугаа элчин сайд Д.Ганбат зөөврийн амьсгалын 20 ширхэг аппарат удахгүй нийлүүлэх болсныг дуулгав. /Аппаратын зураг/ Синх: Эм, эмнэлгийн хэрэгсэл, үйлдвэрлэлийн хэлтсийн дарга Г.Цэцэнсанаа Коронавируст халдварын үеийн эм, тарианы нөөцийн талаар Эм, эмнэлгийн хэрэгсэл, үйлдвэрлэлийн хэлтсийн дарга Г.Цэцэнсанаа танилцуулж, эмчилгээнд бусад улс орнуудад хэрэглэж буй эм тариа ашиглаж байгааг дурдлаа. Цаашид вирусийн эсрэг эмийн нөөц бүрдүүлэх чиглэлд Хятад, Япон, Орос, Пакистан, Энэтхэг зэрэг улстай харилцаа холбоо тогтоож, богино хугацаанд үр дүнтэй эмчлэх эм тарианы нөөц бүрдүүлэн ажиллаж байгаа тухай танилцууллаа. Эрүүл мэндийн яам, эмнэлзүйн зөвлөх баг, эмч мэргэжилтнүүдээ оролцуулан БНХАУ-ын КОВИД-19-ийн эмчилгээний талаар туршлага судлах онлайн сургалтыг явуулж байна. Ирэх 7 хоногт эмнэлгийн тоног төхөөрөмжийн танилцуулга хийгдэнэ.
Дэлхийн эрүүл мэндийн 73 дугаар ассамблей виртуал хэлбэрээр хуралдаж байна

Дэлхийн эрүүл мэндийн 73 дугаар ассамблей виртуал хэлбэрээр хуралдаж байна

Дэлхийн эрүүл мэндийн байгууллага COVID-19 халдварыг дэлхийн хэмжээний цар тахал гэж зарласантай холбогдуулан энэ жилийн ээлжит 73 дугаар ассамблейг энэ сарын 18-19-ний өдрүүдэд виртуал хэлбэрээр зохион байгуулж байна. ДЭМБ-ын шийдвэр гаргах хамгийн дээд түвшний механизм нь Дэлхийн эрүүл мэндийн ассамблей бөгөөд түүнд 194 гишүүн улс багтдаг. ДЭМБ нь НҮБ-ын төрөлжсөн байгууллагын хувьд гишүүн улс орнуудын эрүүл мэндийн салбарыг мэргэжлийн бодлого, арга зүйгээр хангах, хүний эрүүл мэндийг сахин хамгаалж, амьдралын чанарыг дээшлүүлэх зорилго бүхий олон улсын байгууллага юм. Уламжлал ёсоор жил бүрийн 5 дугаар сарын 3 дугаар 7 хоногт Швейцарийн Холбооны Улсын Женев хотноо Дэлхийн эрүүл мэндийн ассамблей чуулдаг боловч энэ жилийн хувьд дэлхийн бүх улс орон, нутаг дэвсгэрийг хамарсан COVID-19 халдварын тархалтын улмаас анх удаа мэдээллийн технологийг ашиглан виртуал хэлбэрээр чуулж байна. Гишүүн улс орнуудад халдвар дэгдэж, нөхцөл байдал амаргүй байгаа энэ цаг үед хэлэлцэх асуудлын жагсаалтыг хураангуйлж, зөвхөн COVID-19 цар тахлын сэдвээр төлөөлөгчдийн тэргүүн үг хэлэх ба Ассамблейн бусад хороод чуулахгүй юм. Энэ удаагийн чуулганд онлайнаар Монгол Улсын Засгийн газрыг төлөөлж Эрүүл мэндийн сайд, УИХ-ын гишүүн Д.Сарангэрэл тэргүүтэй төлөөлөгчид оролцож байна. Энэ удаагийн Ассамблейн үйл ажиллагааг өмнөх Ассамблейн Ерөнхийлөгч нээж, шинээр Ерөнхийлөгч болон Дэд Ерөнхийлөгч нарыг сонгов. Энэ удаагийн Ассамблейн Ерөнхийлөгчөөр Бахамасын худалдааны яамны сайд Кева Бейнийг сонгов. Энэ жилийн Ассамблейд БНХАУ-ын дарга Си Жинпин, БНФУ-ын Ерөнхийлөгч Эммануэл Макрон, БНСУ-ын Мүн Жи Ин, ХБНГУ-ын Канцлер Ангела Меркель зэрэг хүндэт зочид оролцлоо. Ассамблейн гол сэдэв нь КОВИД-19. БНХАУ-ын дарга Си Жинпин, БНФУ-ын Ерөнхийлөгч Эммануэл Макрон, БНСУ-ын Ерөнхийлөгч Мүн Жэ Ин үг хэллээ. Ерөнхийлөгч нар энэ аюулыг хамтын хүчээр давах, КОВИД-19-ын эсрэг хариу арга хэмжээг ДЭМБ удирдах ёстой гэсэн бол Мүн Жэ Ин:-хувь хүний эрх чөлөөг бүгдийн эрх чөлөөгөөр сольж бид Коронавирустэй амжилттай тэмцэж байна. Бид 29 сая сонгогчоо маш хатуу дэглэмийн дор санал өгөх боломж бүрдүүлж парламентын сонгуулиа хийлээ гэв. А.Меркель нэг улс дангаараа энэ асуудлыг шийдэж чадахгүй гэж мэдэгдлээ. ДЭМБ-ын Ерөнхий захирал Др. Тедрос Гебрейусус COVID-19 цар тахлын дэлхий нийтийн чиг хандлага, өвчлөлийн явц, тулгарч буй сорилтуудын талаар товч илтгэл тавьлаа. Тэрээр хэлэхдээ:- Дэлхий цаашдаа хэзээ ч хуучин шигээ байхгүй. КОВИД-19 эхэлж байхад улс орнууд бүх зүйлээ мэдэж байгаа гэж бодож байсан. Гэвч аль ч улс орон бэлэн биш байжээ. Нөхцөл байдал амаргүй байна. Урт хугацаа ч шаардах байх. Коронавирустэй тэмцэх шидэт арга бидэнд алга. Гар барих төдийд л амь насанд аюул учрах ийм нөхцөлд бид байна. Геополитик, цөлжилт, цаг уурын өөрчлөлт биш өчүүхэн жижиг вирус биднийг "байранд" нь тавьлаа. Бидний ертөнцөд хүн амгалан тайван оршиход амаргүй байна. Коронавирус харанхуйд ч чимээгүй "ажлаа" хийсээр байна. Тиймээс бид сонор сэрэмжээ алдаж огт болохгүй. ҮНДЭСНИЙ ТҮВШИНД ЭВ НЭГДЭЛ, ОЛОН УЛСЫН ТҮВШИНД ХАМТЫН АЖИЛЛАГАА ЧУХАЛ. Эрүүл мэндийн салбарт хөрөнгө оруулалт хийх нь хэзээ хэзээнээс илүү чухал байна. Эрүүл мэнд бол тансаглал биш хэрэгцээ юм. Хэн эрүүл мэндэд хөрөнгө оруулна тэр хөгжинө. Энэ бол зардал биш зүгээр л хөрөнгө оруулалт. Эв нэгдлийн бүрээг илүү чанга үлээх нь бүх зүйлийг боломжтой болгодгийг та бид 40 жилийн өмнө цагаан цэцэг өвчнийг устгахдаа баталсан . Илүү аюулгүй, илүү шударга, илүү эрүүл дэлхийн төлөө хамтдаа зүтгэцгээхийг уриаллаа. Өнөөдөр 18 цагаас эхэлсэн Дэлхийн эрүүл мэндийн байгууллагын 73-р ассамблей цагийн зөрүүгээр маргааш өглөөний 06 цаг хүртэл үргэлжилнэ. Ассамблейд 194 орны 3000 төлөөлөгч онлайнаар оролцож байна. Эрүүл мэндийн сайд Д.Сарангэрэл 02 цагт коронавирусийн нөхцөл байдал авч хэрэгжүүлж буй арга хэмжээний талаар мэдээлэл хийнэ.

Долоо хоногийн онцлох

Шинэ мэдээ мэдээлэл

Ургийн монитор аппарат хандивлалаа

Өнөөдөр шууд худалдааны Amway компаний Монгол дахь бизнес эрхлэгчдийн төлөөлөл манай эмнэлэгт нэн шаардлагатай байсан ургийн мониторинг аппарат, ЭКГ аппарат, кварц гэрэл болон бусад дагалдах хэрэгслүүдийг хүлээлгэн өгөв. Тус ургийн мониторинг аппарат нь COVID–тай 2 жирэмсэн эхийг амаржихад хэрэглэгдэх бөгөөд цаашид манай төвд урт хугацаанд хэрэглэгдэх нүдээ олсон тусламж болж чадсанд бидний зүгээс баяртай байна. Мөн ХӨСҮТ-ын эмч сувилагчдын дархлаа дэмжихэд зориулан Amway компаний байгалийн гаралтай органик витаминуудыг дэмжлэг болгон хандивлалаа. Нийгмийн хариуцлагатай бизнес эрхлэгчдийн төлөөлөлд гүн талархсанаа илэрхийлье.

“Вакцин, биобэлдмэл төлөвлөлт зохицуулалтын хороо”-ны ээлжит хурал боллоо

Эрүүл мэдийн дэд сайдаар ахлуулсан ЭМЯ, СЯ, ХӨСҮТ, ЗӨСҮТ, ДЭМБ, НҮБ-ийн Хүүхдийн сангийн холбогдох мэргэжилтэнүүдийн бүрэлдэхүүнтэй “Вакцин, биобэлдмэл төлөвлөлт зохицуулалтын хороо”-ны ээлжит хурал боллоо. Хурлаар дархлаажуулалтын хөтөлбөрийн хүрээнд хийгдэх сэргийлэх тарилгын 2021 оны төлөвлөгөөний төсөл, төсвийн үндсэн чиглэлийг хэлэлцэж баталж, төсвийн төслийг Сангийн яаманд хүргүүлж батлуулах шийдвэрийг гаргалаа. Төсөвт коронавирусын эсрэг вакцинаар зорилтот бүлгийн хүн амыг дархлаажуулахад шаардлагатай эхний ээлжийн вакциныг авахад шаардлагатай зардлыг тусган орууллаа.

Эрүүл мэндийн сайд Д.Сарангэрэл ДЭМБ-ын цахим хуралд оролцлоо

Дэлхийн эрүүл мэндийн байгууллагын Женев дэх төв штабаас цахим хурал зохион байгууллаа. Хуралд ДЭМБ-ын гишүүн орнуудын бүс тус бүрийг төлөөлсөн эрүүл мэндийн сайд нар оролцож, КОВИД-19-ын халдварын нөхцөл байдал, авч хэрэгжүүлж буй арга хэмжээний талаар хэлэлцлээ. Зүүн Өмнөд Азийн Бүсээс Непал, Газар дундын тэнгисийн зүүн эргийн бүсээс Бахрейн, Европын бүсийг төлөөлж Унгар, Америкийн бүсээс Барбадос, Номхон далайн баруун бүсээс Монгол Улс сонгогдон илтгэл тавьлаа. Эрүүл мэндийн сайд Д.Сарангэрэл халдварын нөхцөл байдал, Монгол улсын Засгийн газраас авч хэрэгжүүлж байгаа арга хэмжээний тухай танилцууллаа. ДЭМБ манай улсыг салбар хоорондын уялдаа холбоог хангаж, эрсдлийн үеийн мэдээлэл харилцааны үйл ажиллагааг шуурхай зохион байгуулсны үр дүнд хүн амын дунд халдвар гараагүй байгаа, халдварын тархалтын үеийн бэлэн байдлыг хангах цаг хугацааг өөртөө бий болгосон гэж онцоллоо. Түүнчлэн манай улсыг ард иргэдээ хилийн чанадаас тогтмол татан авчирч байгаа гэдгийг тэмдэглэлээ. Хуралд оролцсон улс орнууд Ковид-19-ын үед өвчтнүүдэд зориулсан тусгайлсан эмнэлэг ажиллуулах нь хүн амын дунд халдвар тархахаас сэргийлэх, эрүүл мэндийн ажилтнуудыг эрсдлээс хамгаалах, эмнэлгийн тусламж үйлчилгээний хэвийн байдлыг хангах ач холбогдолтой тухай ярьж байв. Бүх улс орон гараа угаах, гадуур явахгүй байх, амны хаалт зүүх, хүн хоорондын зай барих нь Ковид-19-ын үед онц чухал гэдгийг илтгэлдээ дурдаж байлаа. Бахрейн улс хэвлэл мэдээллийн хэрэгсэл, сэтгүүлчидтэйгээ хамтран ажиллаж, худал ташаа мэдээлэлд тухай бүрт нь няцаалт хийж ажилласнаа онцолсон бол Барбадос “Ковид-д бууж өгөхгүй бид түүнийг ялна” уриатай ажиллаж байна гэлээ.

Хөдөө орон нутагт тоног төхөөрөмж гардууллаа

Дэлхийн банкны санхүүжилттэй “Цахим эрүүл мэнд” төслийн хөрөнгөөр эрүүл мэндийн байгууллагуудад нийлүүлэгдэж буй “Шинэ коронавируст халдварын үед эрүүл мэндийн тусламж үйлчилгээ үзүүлэхэд шаардлагатай” суурин дижитал рентген аппарат аппаратуудыг дараах эрүүл мэндийн байгууллагуудад хүлээлгэн өгч байна. Үүнд - Баянхонгор аймгийн нэгдсэн эмнэлэг - Дархан-Уул аймгийн нэгдсэн эмнэлэг - Сүхбаатар аймгийн нэгдсэн эмнэлэг - Сэлэнгэ аймгийн нэгдсэн эмнэлэг - Увс аймгийн нэгдсэн эмнэлэг - Хөвсгөл аймгийн нэгдсэн эмнэлэгт тус бүр 1 ширхэг 256.3 сая төгрөгийн өртөг бүхий бүхий рентген аппарат, - Завхан аймгийн Тосонцэнгэл сумын Нэгдсэн эмнэлэгт 108.9 сая төгрөгийн өртөг бүхий зөөврийн дижитал рентген аппарат 1 ширхэг - Хөвсгөл аймгийн Хатгал сумын Эрүүл мэнтийн төв - Завхан аймгийн Их-Уул сумын Эрүүл мэндийн төвд тус бүр 18.9 сая төгрөгийн өртөг бүхий Зөөврийн ЭХО аппарат хүлээлгэн өгч байна. Тус аппаратуудын хувьд харалт хийх боломжтойгооро давуу талтай болж байгаа. Энэ Флюороскопийн аппарат болон рентген аппарыг нэгтгэсэн үзүүлэлт юм.

Бүртгэлгүй, эмзэг бүлгийн өрхийн хүүхдийн эрүүл мэндийг хамгаалах, дархлаажуулалтын тусламж, үйлчилгээг сайжруулах зөвлөлдөх уулзалт боллоо

Нэгдсэн үндэстний байгууллагын Хүүхдийн сан болон Вакцин, Дархлаажуулалтын Глобаль Альяанс байгууллагын дэмжлэгтэйгээр “Эрүүл мэндийн салбарыг бэхжүүлэх шилжилтийн дараах дэмжлэг” төслийн хэрэгжилтийг ЭМЯ удирдан зохион байгуулж байна. Энэхүү төслийн гол зорилго нь сэргийлж болох халдварт өвчнөөс шалтгаалах хүүхдийн эндэгдлийг тогтвортой бууруулахад оршино. Төслийн хүрээнд 3 зорилтот үйл ажиллагааг хэрэгжүүлж үр дүнгийн тайланг ЭМЯ-наас НҮБ-ын ХС-д хүлээлгэж өгнө. Үүнд: 1. Хүүхдийн эрүүл мэндийг хамгаалах дархлаажуулалтын талаар эцэг, эх болон асран халамжлагч нарт зөвөлгөө өгөх, мэдээлэл, харилцааны багц бэлтгэж, улсын хэмжээнд түгээсэн байна. Энэхүү үйл ажиллагааны хүрээнд 540 эмнэлгийн мэргэжилтэнг сургалтад хамруулна. 2. Бүртгэлгүй, эмзэг бүлгийн өрхүүдэд хүүхдийн эрүүл мэндийг хамгаалах дархлаажуулалтын тусламж, үйлчилгээг хүргэх журам боловсруулж, салбарын /ялангуяа нутгийн удирдлагын байгууллага, түүний харьяа агентлагууд/ болон иргэдийн өөрсдийн оролцоог хангаж ажиллана. 3. Дархлаажуулалтын бэлдмэлийн чанар, хадгалалт, тээвэрлэлтийн аюулгүй байдлыг хангах зориулалт бүхий вакцины хүйтэн хэлхээний тоног төхөөрөмж, дагалдах хэрэгсэл, хяналтын системийн хангамжийг сайжруулна. Өнөөдрийн зөвлөлдөх уулзалтаар бид хийсэн бүтээсэн ажлынхаа тайланг тавихгүй, тулгамдаж байгаа бэрхшээлтэй асуудлаа хэлэлцэн, бүртгэлгүй, эмзэг бүлгийн, хотын захын өрхүүдэд хүүхдийн эрүүл мэндийг хамгаалах, дархлаажуулалтын тусламж, үйлчилгээг хүргэхэд ямар бэрхшээл тулгамдаж байгааг хэлэлцэж, нөхцөл байдлын шинжилгээ хийнэ.

Хүүхдийн эрчимт эмчилгээ, яаралтай тусламжийн эмч, сувилагчийг чадавхжуулж эхэллээ

Дэлхий даяар тархаж буй Сovid-19 хаалга тогшиж байгаа энэ үед хүүхдийн эрчимт эмчилгээний эмч, сувилагч нарт зориулсан “Амьсгалын цочмог хүнд халдваруудын эмнэлзүйн менежмент” сэдэвт сургалтыг эхлүүллээ. Энэ удаагийн сургалтыг ЭМЯ, ДЭМБ-ын дэмжлэгтэйгээр онол, дадлага хослуулсан байдлаар нэг сарын хугацаанд ЭХЭМҮТ-д зохион байгуулна. Сургалтад 200 эмч, сувилагч нарыг хамруулах бөгөөд нэг ээлж нь 40 хүний бүрэлдхүүнтэй байх юм. Эхний ээлжийн сургалтад аймгийн нэгдсэн эмнэлгүүд, БОЭТ-үүдийн эмч, сувилагч нар оролцож байна. Манай улс “Тогтвортой хөгжлийн хөтөлбөр-2030”-ын хүрээнд эх, хүүхдийн эрүүл мэндийн салбарт баримтлах бодлогыг хэрэгжүүлэхийн төлөө тууштай ажиллаж, энэ чиглэлд олон талт арга хэмжээг авч хэрэгжүүлсний үр дүнд эх, хүүхдийн эндэгдэл буурч байгаа билээ. Салбар яам болон холбогдох байгууллагаас нийслэл болон орон нутгийн эмнэлгүүдийг орчин үеийн тоног төхөөрөмжөөр хангаж, тэр хэрээр оношилгоо, эмчилгээний чадавх дээшилж байна. Ялангуяа аймгийн нэгдсэн эмнэлэг, БОЭТ, лавлагаа шатлалын эмнэлэг амь тэнссэн үеийн тусламж үйлчилгээг эх, хүүхдэд үзүүлэхэд нэн шаардлагатай амьсгал дэмжих, орлуулан удирдах, хүчилтөрөгч өгөх, соруулах, эрчимт эмчилгээ, сувилгаа хийх, найдвартай хянах зориулалт бүхий эм, эмнэлгийн хэрэгсэл, амьсгалын аппарат болон нэн шаардлагатай тоног төхөөрөмжөөр хангажээ. Иймд шинээр суурьлуулж буй тоног төхөөрөмжийг эмч, мэргэжилтнүүд бүрэн дүүрэн ашиглаж сурснаар хүүхэд амьсгалын дутагдлаар хүндэрсэн үед яаралтай тусламж үзүүлж, тэр хэрээр хүүхдийн эндэгдэл буурна. Сургалтад хамрагдаж буй хүүхдийн эрчимт эмчилгээ, яаралтай тусламж, мэдээгүйжүүлгийн эмч, сувилагч нар хүүхэд амьсгалын дутагдлаар хүндэрч, амьсгалахад бэрхшээлтэй болж, амь тэнссэн үед хүүхдэд хүчилтөрөгч өгөх, сэхээн амьдруулах, эрчимт эмчилгээ хийх, амьсгалыг нь аппаратаар тэтгэн дэмжихээс эхлээд бүрэн орлуулах хүртэлх эмчилгээ хийх, аппаратын амьсгалтай байгаа хүүхдийн асаргаа, сувилгаа, хяналт ажиглалт хийх мэдлэг, ур чадвараа дээшлүүлэх юм. ЭМЯ эмч, мэргэжилтний мэдлэг, ур чадварыг дээшлүүлэх, мэргэжлийн ур чадвартай, ёс зүйтэй хүний нөөцийг бэлтгэхэд анхаарч ажилладаг. Түүнчлэн улс орон СOVID-19 халдварын хүндэрсэн үед тусламж үзүүлэх хүний нөөц, эмнэлгийн бэлэн байдлыг ханган ажиллаж байгаагийн нэг жишээ нь энэхүү сургалт юм.

Дархан-Уул аймагт Монг-ПЭН төслийн үйл ажиллагаанд дэмжлэгт хяналт хийгдэв

Эмнэлгийн анхан шатны тусламж үйлчилгээ үзүүлдэг сум, өрхийн эрүүл мэндийн төвүүдэд 2019 оны 2-р сараас эхэлж хэрэгжүүлсэн “Монг-ПЭН” буюу “Зүрх судасны өвчний эрсдэлд суурилсан менежмент” төслийн хэрэгжилтэд дэмжлэг хяналтыг хийж байна. Үүнд Дэлхийн эрүүл мэндийн байгууллагын Монгол дахь суурин төлөөлөгч Др.Сергей Диордица, эрүүл мэндийн тогтолцооны асуудал хариуцсан зохицуулагч Др.Моника Фонг, мэргэжилтэн Э.Эрдэнэчимэг, Халдварт бус өвчний асуудал хариуцсан мэргэжилтэн С.Болормаа, Монг-Пен төслийн үндэсний зөвлөх Г.Цэцэгдарь болон Эрүүл мэндийн яамны Нийгмийн эрүүл мэндийн газрын мэргэжилтэн Ц.Хандармаа, Нийгмийн эрүүл мэндийн үндэсний төвийн албаны дарга С.Гэрэлмаа, мэргэжилтэн Б.Идшинхорлоо, Эрүүл мэндийн хөгжлийн төвийн мэргэжилтэн Б.Болдбаатар, Эрүүл мэндийн даатгалын ерөнхий газрын мэргэжилтэн Ж.Амаржаргал нарын бүрэлдэхүүнтэй баг ажиллав. Дэмжлэгт хяналтын үйл ажиллагааны хүрээнд Монг-ПЭН төслийн хэрэгжилтэд үзүүлж байгаа техникийн туслалцаа, эрүүл мэндийн анхан шатны эрүүл мэндийн байгууллагад халдварт бус өвчин, зүрх судасны өвчнөөс сэргийлэх тусламж үйлчилгээний өнөөгийн байдал, төслийн цахим програмын ашиглалт, цусны даралт ихдэлт, чихрийн шижин өвчний оношлогоо, эмчилгээний стандарт удирдамж сэдвүүдээр чадавхижуулах сургалтыг зохион байгуулж, 40 гаруй удирдлага, эмч мэргэжилтнүүд оролцлоо. Төслийн дэмжлэгт хяналтыг Орхон сумын эрүүл мэндийн төв, Түвшинхолбоо, Медстоб, Гэрэлтэй, Аминхолбоо,Госхот өрхийн эрүүл мэндийн төвүүдэд хийж, зүрх судасны өвчний эрсдлийг тодорхойлох, эрсдэлд суурилсан тусламж үйлчилгээ, анхан шатны бүртгэл маягтын хөтлөлт, цогц тусламж үйлчилгээний зохион байгуулалт, багийн үйл ажиллагаа, эмч мэргэжилтнүүдийн ойлголт, тулгамдсан асуудлыг шийдвэрлэсэн байдал зэрэгт хийж зөвлөн туслав. Энэхүү төсөл нь хүн амын дунд тархалт ихтэй байгаа зүрх судас, артерийн даралт ихдэлт, чихрийн шижин зэрэг өвчний өвчлөл, нас баралтыг бууруулах, эдгээр өвчлөлийн үед үзүүлэх эрт илрүүлэг үзлэг, эрсдлийн үнэлгээ, оношлогоо, эмчилгээ, зөвлөгөө, хяналтын багцыг хэрэгжүүлэх менежментийг сайжруулах, улмаар эмч мэргэжилтнүүдийг чадавхижуулах зорилготой. Ийнхүү тус төслийн дэмжлэгт хяналт хийгдэж, зөвлөмжийн дагуу 9 сар хүртэл үйл ажиллагааг үргэлжлүүлэх юм.

ДОХ, Сүрьеэгийн хөтөлбөрийн хэрэгжилтээр цахим хурал хийлээ

Глобаль сангийн дэмжлэг, санхүүжилт зогсоход одоогийн хэрэгжиж байгаа ДОХ, сүрьеэгийн төслийн хөтөлбөрийн үйл ажиллагаа тогтвортой үргэлжлүүлэхэд шаардлагатай бодлого, эрхзүйн орчныг бий болгох, Монгол Улсын Засгийн газраас хөрөнгө санхүүжилтийг үе шаттайгаар нэмэгдүүлж, улмаар бүрэн хариуцах шаардлагатай болно. ДОХ, Сүрьеэгийн хөтөлбөр, эрүүл мэндийн салбарын одоогийн нөхцөлд байдалд хийсэн дүн шинжилгээнд тулгуурлан “Хөтөлбөрийн тогтвортой байдлын төлөвлөгөө” -г боловсруулна. Төлөвлөгөө боловсруулах Глобаль сан, Олон улсын “Pharos” байгууллагын зөвлөх Роберт Хект, Милүүд Каддар, Моисэс Эскобар нартай хийсэн цахим уулзалтад Эрүүл мэндийн дэд сайд Л.Бямбасүрэн оролцож, ДОХ, сүрьеэгийн хөтөлбөрийн одоогийн нөхцөл байдлын талаар товч мэдээлж, төлөвлөгөөнд тусгах, цаашид анхаарах асуудлын талаар зөвлөлөө.

УЛААНБААТАР ХОТЫН ТӨВ ЦЭВЭРЛЭХ БАЙГУУЛАМЖИЙН АЖИЛТАЙ ТАНИЛЦЛАА

Засгийн газрын 2018 оны 03 дугаар сарын 14-ны өдрийн хуралдаанаар Төв цэвэрлэх байгууламжийн лагийг үнэргүйжүүлэх, усгүйжүүлэх, хатаах, шатаах технологи бүхий тоног төхөөрөмжийг суурилуулах ажлыг 3 жилийн хугацаанд хийж дуусгахаар төлөвлөсний хүрээнд өнөөдөр бид лагийг цэвэрлэж үнэргүйжүүлэх технологи, шинээр баригдаж байгаа цэвэрлэх байгууламжийн ажлын явцтай газар дээр нь танилцаж байна. Ахуй болон үйлдвэрлэлийн хэрэглээнээс гарсан бохир усыг аюулгүй цуглуулахаас эхлээд зайлуулах хүртэл ариутгах татуургын сүлжээний бүхий л үйл ажиллагаанд эрсдэлийн үнэлгээ хийж, сайжруулах арга хэмжээг зохион байгуулах нь үйлчилгээ үзүүлэгчдэд төдийгүй өртөж буй ард иргэдийн маань эрүүл мэндийн эрсдэлийг багасгахад нь хамгийн чухал асуудал хэмээн үзэж байна. Цэвэрлэх байгууламжийн ойролцоо амьдардаг хүмүүсийг алслагдсан зайд амьдардаг хүн амтай харьцуулахад мэдрэлийн гаралтай өвчин 4 дахин, харшил 1 дахин, үе мөч, ясны өвчлөл 1.5 дахин их байгааг гадаад оронд хийгдсэн судалгаагаар тогтоосон байдаг. Түүнчлэн дэлхий нийтээр гамшгийн хэмжээнд хүрээд байгаа COVID-19 цар тахлын үүсгэгч ариутгах татуурга болон бохирын шугамаар дамжин халдварласан гэсэн нотолгоо одоогоор байхгүй ч үүсгэгч өтгөнд байж болох ба өтгөн мөрийн замаар халдвар үүсгэдэг гэсэн зарим судалгааны дүнгүүд байна. Тийм ч учраас цар тахлын үед эрүүл мэндийн байгууллагуудад өвчтөний ялгадсыг биологийн аюултай хог хаягдал хэмээн үзэж халдваргүйтгэл хийж, дараа нь ариутгах татуургын сүлжээнд нийлүүлж байна. Эрүүл мэндийн талаас хамгийн гол шалгуур бол тааламжгүй үнэрийн ялгарлыг багасгах нь манай орны төдийгүй дэлхий нийтэд цэвэрлэх байгууламжийн үйлчилгээний хамгийн том тулгамдсан асуудал болсоор байна. Улаанбаатар хотын Хан уул дүүргийн 12, 13-р хорооны нутаг дэвсгэр, “Биокомбинат, Шувуун фабрик орчмын 13 мянга гаруй иргэдийн эрх ашиг зөрчигдөж байна. Цэвэрлэх байгууламжийн үнэр нь зөвхөн лагаас гардаггүй. Нийслэлийн үйлдвэрүүдээс химийн бодистой ус ирдэгээс урвалд орж лагийн үнэрийг улам нэмэгдүүлдэг байна. Цэвэрлэх байгууламжийн лагийн үнэрээс гадна Морингийн хогийн цэг,шаталтаас үүсэх хорт утаа, Шувуун фабрикийн шувууны өд, сөд, сангасны үнэр, малчдын малын өтөг, бууцны бохирдол, дээрээс нь олон арван карьер, тэдгээрээс элс, хайрга зөөх том оврын ачааны машинуудын тоосонд эрүүл мэндээрээ хохирч буй иргэд олон байна. Дэд бүтцийн өөрчлөлт, шинэчлэлттэй зэрэгцээд нэн даруй хэрэгжүүлж болох хүн амын эрүүл мэндийг хамгаалахад хамгийн гол нь эрүүл ахуйн шаардлага хангасан, аюулгүй ариун цэврийн байгууламжийг барьж, ашиглах явдал юм. Цэвэрлэх байгууламжийн үйл ажиллагаанаас гарч буй бохирын үнэр нь аливаа өвчний шууд шалтгаан биш ч гэсэн хүн амынхаа эрүүл мэндийг хамгаалах асуудал учраас анхаарлын төвд байхаас өөр аргагүй юм. ДЭМБ-аас хэрэглээнээс гарсан бохир усанд эрсдэлийн үнэлгээ хийх зарчмыг багтаасан “Ариун цэврийн байгууламжийн аюулгүй байдлын төлөвлөгөө” нэртэй гарын авлагыг боловсруулсныг гардуулж байна. Төр, хувийн хэвшлийн хамтын ажиллагааг өргөжүүлж, сайн санал санаачлагын хөхүүлэн дэмжиж, цаашид хамтран ажиллахад таатай байгаагаа энэ дашрамд дурьдахад таатай байна.

“УЛАМЖЛАЛТ АНАГААХ УХААНЫ 108 БОТЬ НОМЫН НЭЭЛТИЙН ҮЙЛ АЖИЛЛАГАА” БОЛЛОО

Улс үндэстэн, угсаатан ястны ёс заншил даяаршлагдаж байгаа өнөө үед Монгол Улсын Ерөнхийлөгчийн санаачилсан Монголын уламжлалт анагаах ухааны өв соёлыг хадгалах, хамгаалах, олон улсад таниулах зорилгоор анагаах ухааны түүх, үе үеийн эмч, эрдэмтэн мэргэдийн намтар, шилдэг бүтээлүүдийг түүхэн эх сурвалжаас эмхэтгэн нэгтгэж “Монголын уламжлалт анагаах ухааны 108 боть” бүтээлийг олон нийтийн хүртээл болгох санаачилгыг Эрүүл мэндийн яам дэмжин энэхүү “Монголын уламжлалт анагаах ухааны 108 боть” бүтээлийн дээжийг өнөөдрийн билэгт сайн өдөр хүлээн авлаа. Оюуны нөр их хөдөлмөрийг зарцуулж Уламжлалт анагаах ухааны 108 боть бүтээлийг эмхэтгэн нэгтгэж, ариутган шүүсэн Редакцийн зөвлөл, ажлын хэсгийн бүрэлдэхүүнд гүн талархал илэрхийлж, Уламжлалт анагаах ухааны 108 боть бүтээлээ өлгийдэн авсан түүхэн баярт өдрийн мэндийг дахин хүргэж, та бүхний эрдэм номын үйлс тань амжилт бүтээлээр дүүрэн байхыг хүсэн ерөөе, Баярлалаа. Эрдэм ухаан, өв соёл ашид дэлгэрэх болтугай.

МОНГОЛЫН АНАГААХЫН ШИНЖЛЭХ УХААНЫ ЖАРАН ХОЁР ДАХЬ УДААГИЙН ЭРДМИЙН ЧУУЛГАН БОЛЛОО

АШУҮИС нь жил бүр уламжлал болгон эрдмийн чуулганыг зохион байгуулдаг. Энэ жил цар тахал дэгдсэнтэй холбоотойгоор “Шинэ корона вируст халдвар (covid-19)”-ын тархвар судлал, оношилгоо, эмчилгээний тулгамдсан асуудал сэдвийн хүрээнд Монголын анагаахын шинжлэх ухааны жаран хоёр дахь удаагийн Эрдмийн чуулганыг анх удаа цахим хэлбэрээр АШУҮИС дээр зохион байгуулж байна. Энэ удаагийн Эрдмийн чуулганыг Zoom.us application ашиглан дөрвөн улсыг хамруулан онлайн хэлбэрээр зохион байгуулж байгаагаараа ихээхэн онцлогтой юм. Эрдмийн чуулганыг АШУҮИС-ийн захирал профессор Ж.Цолмон нээж эхлүүлсэн бөгөөд ЭРДМИЙН ЧУУЛГАН-62-т МУ-ын ерөнхийлөгчийн ахлах зөвлөх Ц.Хулан, ЭМ-ийн сайд Д.Сарангэрэл, АШУҮИС-ийн удирдах зөвлөлийн дарга, МУ-ын ардын эмч, АУ-ны доктор, профессор Ж.Хатанбаатар, БСШУСЯ-ны ДБГ-ын дарга Г.Батнэмэх нар мэндчилгээ дэвшүүлж, АШУҮИС-ийн нийт эрдэмтэн, профессор, багш, судлаачдад эрдмийн баярыг уламжиллаа. Эрдмийн чуулганаар Монгол Улсад бүртгэгдсэн тохиолдлуудын эмнэл зүй, лабораторийн шинжилгээний онцлог, халдвар авсан тохиолдлуудын вирус тээх хугацаа болон Нийгмийн эрүүл мэндийн авч хэрэгжүүлэх дэлхий нийтийн туршлага гэх мэт өргөн хүрээг хамарсан сэдвийн хүрээнд нэрт Академич П.Нямдаваа, АШУҮИС-ийн захирал, профессор Ж.Цолмон, ХӨСҮТ-ийн эмч Ц.Чинбаяр, Ц.Наранзул нар илтгэл хэлэлцүүллээ. Мөн хуралдаанд цахимаар, ДЭМБ-ын төлөөлөгч Сергей Диордица болон БНХАУ, ОХУ, Япон зэрэг эрдэм шинжилгээ, судалгааны өндөр туршлагатай орнуудын илтгэгчид COVID-19-ийн эмнэлзүйн болон нийгмийн эрүүл мэндийн чиглэлээрх өөрсдийн судалгааны туршлага,статистик, дүн, мэдээ, зөвлөмжийг хэлэлцүүлсэн нь энэ удаагийн Эрдмийн чуулганы их үр дүнтэй болсныг илтгэж байна. Цахим хуралдааныг олон нийтийн нийгмийн сүлжээгээр шууд дамжуулснаар Корона вирустэй холбогдолтой академик, нотолгоонд суурилсан мэдээллийг олон нийтэд түгээж, цаашлаад урьдчилан сэргийлэх, эмчилгээний удирдамж боловсруулах зэрэг нийгмийн эрүүл мэнд, эмнэлзүйн салбар руу чиглэсэн арга хэмжээнүүдийг авч хэрэгжүүлэхэд нийт Эрүүл мэндийн салбарын бүх шатны боловсон хүчинд хувь нэмэр болно гэдэгт итгэж байна.

“СУВИЛАГЧ МЭРГЭЖИЛТНИЙ ХӨГЖИЛ-2020” СЭДЭВТ ҮНДЭСНИЙ VI ДУГААР ЦАХИМ СУРГАЛТ 

“СУВИЛАГЧ МЭРГЭЖИЛТНИЙ ХӨГЖИЛ-2020” СЭДЭВТ ҮНДЭСНИЙ VI ДУГААР ЦАХИМ СУРГАЛТ СЕМИНАР АМЖИЛТТАЙ БОЛЖ ӨНДӨРЛӨЛӨӨ 2020 онд орчин үеийн сувилахуйн шинжлэх ухааныг үндэслэгч Флоренс Найтингейлийн мэндэлсний 200 жилийн ой тохиож байна. Энэ тэмдэглэлт ойг тохиолдуулан 2019 оны 05 дугаар сард Женев хотноо хуралдсан Дэлхийн эрүүл мэндийн Ассемблейгаас 2020 оныг “Сувилагч, Эх баригчийн жил” болгон зарласан. Манай улс 2020 оныг “Бүх нийтийн эрүүл мэндийн хамралтад сувилагч, эх баригчийн үүрэг” уриан дор тэмдэглэн өнгөрүүлэхээр болсон бөгөөд Улсын Гуравдугаар Төв Эмнэлэг өөрийн байгууллагын хэмжээнд 2020 оныг “Сувилагч мэргэжилтний хөгжлийг дэмжих жил” болгон зарлаж, сувилагч мэргэжилтнүүдрүүгээ чиглэсэн олон талт үйл ажиллагааг санаачлан зохион байгуулж байна. Тус эмнэлэг нь жил бүрийн Олон улсын сувилагчдын өдрийг угтан сувилагч мэргэжилтнүүдийнхээ эрдэм судлалын ажлыг дэмжиж нотолгоонд суурилсан сувилахуйн тусламж үйлчилгээг үзүүлэх, мэдлэг ур чадварыг хөгжүүлэх, сувилахуйн шинжлэх ухааны шинэ арга технологийг нэвтрүүлэх, сувилахуйн тусламж үйлчилгээний чанар хүртээмжийг сайжруулах зорилгоор нийт сувилагч мэргэжилтнүүдийнхээ дунд Үндэсний хэмжээний сургалт семинарыг зохион байгуулдаг уламжлалтай. Энэ удаа Дэлхий нийтийн хэмжээнд шинэ коронавируст халдварын (COVID-19) цар тахлын онцгой нөхцөл байдал үүсэж, улс орны хэмжээнд халдвараас сэргийлэх хариу арга хэмжээний бэлэн байдал, тохиолдлын удирдлагын тогтолцоонд шилжин ажиллаж байгаатай холбогдуулан бид нийт сувилагч мэргэжилтнүүдийнхээ Үндэсний VI дахь сургалт семинарыг анх удаа цахим хэлбэрээр “Сувилагч мэргэжилтний хөгжил-2020” сэдэв дор 2020 оны 05 дугаар сарын 22-ны өдөр амжилттай зохион байгууллаа. Тус сургалт семинарт ЭМЯ, ЭМХТ, Япон улсын их дээд сургуулийн профессор, эрдэмтэн доктор, сувилагч мэргэжилтнүүд болон 21 аймаг 9 дүүргийн нийт 100 гаруй ЭМБайгууллагын төлөөллүүд цахимаар холбогдож шинэлэг мэдээ мэдээлэл авч туршлага солилцлоо. Мөн 600 гаруй сувилагч, эх баригч мэргэжилтэн, 80 гаруй эрдэм судлалын бүтээл ирүүлэн оролцсон бөгөөд 6 боловсролын илтгэл, 12 судалгаа шинжилгээний илтгэлийг цахим хэлбэрээр хэлэлцүүллээ.

ТӨСӨЛД САНАЛ АВЧ БАЙНА